Antuan de Sent Ekzüperi – “Adamların planeti”

Ekzüperi fransız əsilli yazıçı, şair və peşəkar hərbi təyyarəçidir. O, Birinci Dünya Müharibəsi illərində hərbi təyyarəçi kimi döyüş tapşırıqlarını yerinə yetirib. Çoxları onu “Balaca Şahzadə” əsəri ilə tanısa da yazarın ən az bu əsər qədər gözəl olan başqa əsərləri də var. Ən əsası da “Adamların planeti” romanı. Bu romanı oxuyandan sonra Ekzüperini sadəcə bəyənən adamlar ona ikiqat vurula bilər.

Romandan söz düşmüşkən çalışın bunu Azərbaycanca oxumayın. Təəssüf ki, tərcümə bir o qədər də uğurlu deyil.

Rişard Kapuşinski – “Şahənşah”

İran İslam Respublikasında 1975-ci ildə baş tutmuş inqilabı dəstəkləyənlərin adətən əsas arqumentlərindən biri guya ölkədə əxlaqsızlığın baş alıb getməsidir. Bu kitab isə göstərir ki, əslində əsas məsələ xalqın qılığına girə bilməkdədir. Dindən istifadə edib kim xalqın qılığına daha yaxşı girə bilirsə, o da kütləni ələ alır.
Sırf hökumətə qarşı çıxır deyə hər adamı, xüsusən də dindarları dəstəkləyən adamlar bu kitabı normal təfəkkürlə oxuyub nəticə çıxarmalıdır. Bəlkə onda bir az da olsa ağıllarının ucundan keçər ki, hansı təhlükəni dəstəkləyirlər.

Sevirəm

Sevdiyini hiss etmək sevməyin özündən daha gözəl hissdir. Fərqi yoxdu nəyi sevirsən, istər canlı olsun, istərsə də cansız. Adicə xoşuna gələn qələmdən tutmuş, sevimli yazarına qədər, adi kitabdan tutmuş, sevimli şəhərinə qədər. Tarixdə bəyəndiyin şəxsiyyətdən tutmuş sevimli gülünə qədər hər şey.